ვეტერანების საქმეთა სახელმწიფო სამსახურის დირექტორმა გმირულად დაღუპულ მებროლთა ოჯახებს სახელმწიფო ორდენები გადასცა. ღონისძიება ფოლკლორის სახელმწიფო ცენტრში გაიმართა.

საქართველოს პრეზიდენტის განკარგულებით, ქვეყნის ტერიტორიული მთლიანობისთვის ბრძოლაში გამოჩენილი განსაკუთრებული მამაცობისა და თავდადებისთვის საქართველოს შეიარაღებული ძალების 28 სამხედრო მოსამსახურე ვახტანგ გორგასლის II და III ხარისხის ორდენით დაჯილდოვდა.

ცერემონიას ვეტერანთა საკითხებზე მომუშავე არასამთავრობო ორგანიზაციათა წარმომადგენლები, პარლამენტის წევრები, ვეტერანები და დაღუპულ ჯარისკაცთა თანამებრძოლები ესწრებოდნენ.