სადავო სამშენებლო სამუშაოების გამო ისევ პროტესტია ნუცუბუძის მეხუთე პლატოზე. ადგილობრივი მოსახლეობა ვარაუდობს, რომ საცხოვრებელი კორპუსის მშენებლობა ადგილზე არსებულ მწვანე საფარს მთლიანად გაანადგურებს.

ანალოგიური პრეტენზიები ისმის თბილისის სხვა რაიონებში. პრობლემების თავიდან ასაცილებლად და ეკოლოგიური მდგომარეობის გასაუმჯობესებლად უფლებადამცველები შესაბამის უწყებებს ეფექტური ურბანული გეგმის შემუშავებას და სამშენებლო ნებართვების გაცემის დროს განსაკუთრებულ სიფრთხილეს სთხოვენ.

პრეტენზიების პასუხად, მთავრობა ახალ სამშენებლო კოდექსს იშველიებს, რომელიც განსახილველად უკვე გადაეგზავნათ დეპუტატებს.