ვის ხელში იქნება ფარული მოსმენების დროს ე.წ. გასაღები: პარლამენტში შექმნილი სამუშაო ჯგუფი, ხვალ, პირველად შეიკრიბება. მანამდე კი მმართველ გუნდს საკუთარი პოზიცია უკვე გააცნეს არასამთავრობო ორგანიზაციებმა.

მათ მიერ შემუშავებული მოდელის მიხედვით, ე.წ. გასაღები დამოუკიდებელ სააგენტოს უნდა ჰქონდეს და სასამართლოს ნებართვის შემთხვევაში უნდა გამოიყენოს. ე.წ. გასაღების ძალოვანი უწყებისთვის ჩამორთმევის მომხრეა ოპოზიცია.

მმართველი პარტია ჯერ ფიქრობს: კონსულტაციების პარალელურად „ქართული ოცნება” საკუთარი პროექტის მოსამზადებლად სხვადასხვა ქვეყნის მაგალითს ეცნობა.