საქართველოს კათოლიკოს-პატრიარქი დღეს იუბილარია. ილია მეორეს 84 წელი შეუსრულდა. ჯანმრთელობის მდგომარეობის გათვალისწინებით, დაბადების დღისადმი მიძღვნილი ღონისძიებები დროებით გადაიდო. ილია მეორე ამ დრომდე ექიმების მეთვალყურების ქვეშ რჩება.
რაც შეეხება საშობაო მსახურებას, მას თავად პატრიარქი ჩაატარებს.
მანამდე კი ილია მეორე მილოცვებს იღებს. პრეზიდენტის და პრემიერის წერილებში აღნიშნულია, რომ მთელი მისი მოღვაწეობა ერისა და სამშობლოს სამსახურისთვის არის მიძღვნილი.
"ის ჩვენთვის ყოველთვის იყო და არის თავმდაბლობის, სულგრძელობისა და მოთმინების, მიმტევებლობისა და მოყვასისადმი სიყვარულის მაგალითი" - წერს პრემიერი.
“ჩვენ ხალხს წილად ხვდა ბედნიერება ჰყოლოდა ესოდენ ბრძენი სულიერი წინამძღოლი ქვეყნის თავისუფლებისკენ სვლის ურთულეს და დრამატულ ეპოქაში" - ნათქვამია პრეზიდენტის მისალოც წერილში.