პატრიარქი დღეს იუბილარია. ილია მეორეს 84 წელი შეუსრულდა. დაბადების დღისადმი მიძღვნილი ღონისძიებები დროებით გადაიდო. მიზეზი უწმინდესის ჯანმრთელობის მდგომარეობაა. ის ექიმების მეთვალყურეობის ქვეშ რჩება.

რაც შეეხება საშობაო მსახურებას, ცნობილია, რომ მას თავად პატრიარქი ჩაატარებს.

ილია მეორეს იუბილე პრემიერმინისტრმა მიულოცა. წერილში აღნიშნულია:

"მთელი მისი მოღვაწეობა ერისა და სამშობლოს სამსახურისთვის არის მიძღვნილი. ის ჩვენთვის ყოველთვის იყო და არის თავმდაბლობის, სულგრძელობისა და მოთმინების, მიმტევებლობისა და მოყვასისადმი სიყვარულის მაგალითი. ვუსურვებ მას დიდხანს სიცოცხლესა და ჯანმრთელობას ჩვენი სამშობლოს საკეთილდღეოდ”.

წმინდესს იუბილე პარლამენტის თავმჯდომარემაც მიულოცა.