ორთვიანი პოლიტიკური ტაიმ-აუტის შემდეგ პარლამენტის ყოფილი თავმჯდომარე ისევ აქტიურდება. პრეზიდენტთან დაკავშირებით დავით უსუფაშვილის პროგნოზი არაერთგვაროვანი შეფასებების თემაა.
"რესპუბლიკელების" ყოფილი ლიდერი ახლად შექმნილი საკონსტიტუციო კომისიის მიერ განსახილველ საკითხებზე და შესაძლო პოლიტიკურ კრიზისზე საუბრობს.
უსუფაშვილის ვარაუდით, პრეზიდენტის პირდაპირი არჩევის წესის შეცვლის შემთხვევაში, გიორგი მარგველაშვილი შესაძლოა გადადგეს და ცვლილების ძალაში შესვლამდე ქვეყანაში ვადამდელი საპრეზიდენტო არჩევნები ჩაატაროს.
მმართველი პარტიის წევრთა ნაწილი ყოფილი თანაგუნდელის ამ განცხადებაში დაპირისპირების შექმნის მცდელობას ხედავს.
პარლამენტის ექსსპიკერს ეხმაურება გიორგი მარგველაშვილიც, თუმცა მის პასუხს მოგვიანებით პრეზიდენტის ადმინისტრაციის განმარტება დასჭირდა.
შორენა ხვიჩია დეტალებით.