სტატისტიკის ეროვნული სამსახურის ინფორმაციით, დეკემბერში სამომხმარებლო პროდუქტის ფასები უმნიშვნელოდ გაიზარდა. წლიური ინფლაცია მხოლოდ 1,8 პროცენტის დონეზე დაფიქსირდა.

საკვები პროდუქტებიდან ყველაზე მეტად გაძვირდა ბოსტნეული - 9,2 პროცენტით, რძის ნაწარმი და კვერცხი - 3 პროცენტით, ხოლო ხორცპროდუქტები - 2 პროცენტით. ასევე, გაძვირდა ტრანსპორტი - 2,3 პროცენტით.

დეკემბერში 13 პროცენტზე მეტით მოიმატა თამბაქოს ფასმა, ამ პროდუქტზე პირველი იანვრიდან აქციზის განაკვეთი გაიზარდა, რის გამოც იმპორტიორები ფასების მკვეთრ ზრდას პროგნოზირებენ.

ოფიციალური სტატისტიკა აჩვენებს, რომ 5,7 პროცენტით გაიაფდა ტანსაცმელი და ფეხსაცმელი. 2017 წლის მთავრობის პროგნოზით, წლის ბოლოს ინფლაციამ 4 პროცენტს უნდა მიაღწიოს.