შესანიშნავი სვლაა პუტინის მხრიდან, ყოველთვის ვიცოდი, რომ ის ძალიან ჭკვიანი იყო – ასე გამოხმაურა ამერიკის არჩეული პრეზიდენტი ვლადიმერ პუტინის გადაწყვეტილებას, არ უპასუხოს ამერიკის სანქციებს.

29 დეკემბერს თეთრმა სახლმა რუსეთის წინააღმდეგ ახალი სანქციების დაწესების შესახებ განაცხადა და ვაშინგტონიდან და სან-ფრანცისკოდან 35 რუს დიპლომატს აძევებს.

როგორც თეთრი სახლის განცხადებაშია ნათქვამი, ახალი სანქციები უკავშირდება წინასაარჩევნო კამპანიის დროს განხორციელებულ კიბერთავდასხმებს, რომლებშიც ვაშინგტონი რუსეთს ადანაშაულებს.

საპასუხოდ, ვლადიმერ პუტინმა განაცხადა, რომ რუსეთი ახალ სანქციებს არ უპასუხებს და ამერიკელ დიპლომატებს პრობლემებს არ შეუქმნის.