ქუთაისის სააპელაციო სასამართლომ ქობულეთში მუსლიმი მოსწავლეების პანსიონის საქმიანობისთვის ხელშეშლის საქმეზე დისკრიმინაციული ფაქტები დაადგინა.
"ადამიანის უფლებების სწავლებისა და მონიტორინგის ცენტრი" მიიჩნევს, რომ აღნიშნულ საქმეში შინაგან საქმეთა სამინისტროს ბრალეულობა იკვეთება, ეფექტური პრევენციის შეუსრულებლობის ნაწილში.
"ადამიანის უფლებების სწავლებისა და მონიტორინგის ცენტრს" იმედი აქვს, რომ სასამართლო ამ კუთხითაც სამართლიან გადაწყვეტილებას გამოიტანს.
შეგახსენებთ, მანამდე ბათუმის საქალაქო სასამართლომ მუსლიმი მოსწავლეების პანსიონატის საქმიანობისთვის ხელშეშლის საქმეზე დისკრიმინაციის ფაქტი დაადგინა და კერძო პირების მიმართ სიმბოლური ზიანის ანაზღაურების ვალდებულება განსაზღვრა, თუმცა მიიჩნია, რომ შინაგან საქმეთა სამინისტროს მხრიდან დისკრიმინაციას ადგილი არ ჰქონია.