მანანა კობახიძემ შესაძლოა პარლამენტიდან საკონსტიტუციო სასამართლოში გადაინაცვლოს. მედიაში ვრცელდება ინფორმაცია, რომ ,,ქართული ოცნება” პარლამენტის კვოტით სასამართლოს ვაკანტურ ადგილზე სწორედ მანანა კობახიძის კანდიდატურის წარდგენას აპირებს.

მმართველი პარტიის წევრები საკითხის გარშემო კონსულტაციებს არ ადასტურებენ, ოპოზიცია კი შესაძლო კანდიდატურას უკვე აკრიტიკებს.

შეგახსენებთ, რომ საკონსტიტუციო სასამართლოში საკანონმდებლო ორგანოს კვოტით წარსადგენი კანდიდატის ადგილი სექტემბრიდან ვაკანტურია.