თბილისში, მტკვრის მარცხენა სანაპიროზე მომხდარ ავტოსაგზაო შემთხვევას შუახნის ქალისა და მამაკაცის სიცოცხლე ემსხვერპლა.

როგორც საზოგადოებრივის კორესპონდენტი შემთხვევის ადგილიდან იტყობინება, სამაშველო სამსახურის წარმომადგენლებმა მტკვარში გადავარდნილი ავტომანქანა ამოიტანეს.

ავტომობილში, რომელიც სერიოზულად იყო დაზიანებული, ქალის გვამი აღმოჩნდა.

იქამდე, მაშველებმა მტკვრიდან მამაკაცის გვამი ამოიტანეს.

დადგინდა გარდაცვლილების ვინაობა - ისინი, ცოლ-ქმარი აღმოჩნდნენ.

მომხდარ ფაქტს შსს იძიებს.