რომის პაპის წლევანდელი საშობაო ეპისტოლე სირიის ომს მიეძღვნა.
„იარაღი საბოლოოდ უნდა დადუმდეს“ აცხადებს პაპი ფრანცისკე და მშვიდობის დაუყოვნებლივ დამყარების თხოვნით გამოდის. ალეპოს კი ერთ-ერთი ყველაზე მძაფრი შეტაკების ადგილად აფასებს.
რომის პაპი მიიჩნევს, რომ საერთაშორისო თანამეგობრობა აქტიურად უნდა ჩაერთოს კონფლიქტის გადაწყვეტის საკითხში მოლაპარაკებათა გზით და ქვეყანაში მშვიდობიანი ცხოვრება აღადგინოს.
პაპმა მშვიდობა და კეთილდღეობა უსურვა იმ ევროპელებს, რომლებმაც წელს ახლობლები დაკარგეს, ან თავად დაზარალდნენ ტერაქტებისას. პაპმა აღმოსავლეთ უკრაინის შესახებაც ისაუბრა და კონფლიქტურ მხარეებს მოუწოდა, გამონახონ საკუთარ თავში ძალა და გამოხატონ ნება იმისთვის, რომ დაეხმარონ მოსახლეობას და შეასრულონ აღებული ვალდებულებები.