დღეს, კათოლიკური სამყარო შობის დღესასწაულს აღნიშნავს.
რომის პაპმა ვატიკანში საზეიმო ლიტურგია აღავლინა. ქადაგებისას პაპმა ფრანცისკემ ყურადღება გაამახვილა მსოფლიოს მასშტაბით ბავშვების ტანჯვაზე, შიმშილზე, მიგრანტების პრობლემებსა და სირიის მოსახლეობაზე, რომელსაც ინტენსიური საბრძოლო მოქმედებების პირობებში არსებობა წლების განმავლობაში უწევს.
რომის პაპმა მრევლს შობის დღესასწაულებზე თავმდაბლობისა და შემწყნარებლობისკენ მოუწოდა.
აღსანიშნავია, რომ მსახურება გამკაცრებული უსაფრთხოების ზომების ფონზე მიმდინარეობდა. წმინდა პეტრეს მოედანზე შესასვლელად მრევლს მეტალოდეტექტორების გავლა მოუწია.
ქრისტეს შობის დადგომა აღნიშნეს ბეთლემშიც. იერუსალიმის პატრიარქმა საზეიმო მესა შობის ტაძარში აღავლინა. მსახურებას მთელი მსოფლიოდან ჩასული ასობით ტურისტი ესწრებოდა. ლიტურგიაზე იყვნენ პალესტინის პრეზიდენტი და პრემიერმინისტრიც.