შემსუბუქდება თუ არა კანონმდებლობა მარიხუანის შემდეგ სხვა ნარკოტიკული საშუალების მცირე ოდენობით მოხმარებაზე - სახალხო დამცველის სარჩელი საკონსტიტუციო სასამართლომ წარმოებაში მიიღო.

კიდევ ერთი მოთხოვნა, რომლითაც ომპუდსმენმა უწყებას მიმართა, სასამართლომ არ განიხილა. საუბარია მცირე ოდენობით მარიხუანის მოხმარების, ასევე მოხმარების მიზნით შეძენის, შენახვისა და დამზადებისთვის პატიმრობის მისჯაზე.

უწყების ცნობით, აღნიშნული მუხლი არაკონსტიტუციურად სხვა სარჩელის საფუძველზე უკვე გამოცხადებულია.