ირკვევა, რომ გიორგი გასვიანის მიერ ცემაში დადანაშაულებულ პირებს შორის კიდევ ერთი პოლიციელი ფიგურირებს. ტელეკომპანია ,,იბერიის” ტელეწამყვანი დღეს პროკურატურამ დაზარალებულად ცნო.

ჟურნალისტს ხვალ მთავარი პროკურორი შეხვდება, მანამდე კი გასვიანი სამცხე-ჯავახეთის სამხარეო პროკურატურაში იმყოფებოდა.

,,იბერიის” თანამშრომელი ბორჯომის რაიონული პოლიციის თანამშრომელს ფიზიკურ და სიტყვიერ შეურაცხყოფასა და იარაღით მუქარაში ადანაშაულებს.

ბორჯომში მომხდარი ინციდენტის გამოძიებამდე სამართალდამცველს უფლებამოსილება შეუჩერდა.