"გოლდენ სტეიტში" გადასვლის შემდეგ, ზაზა ფაჩულიამ, ამ გუნდის შემადგენლობაში საუკეთესო შეხვედრა ჩაატარა.

საქართველოს ნაკრების კაპიტანმა დღეს, დილით "ბრუკლინ ნეტსის" დამარცხებაში უდიდესი წვლილი შეიტანა. ზაზამ 15 ქულა, 14 მოხსნა და 4 შედეგიანი გადაცემა გააკეთა. ეს მისი, მეორე ორმაგი დუბლია ოკლენდელების რიგებში. მარგი ქმედების კოეფიციენტის მიხედვით, ქართველი ცენტრი, ერთ-ერთი საუკეთესო იყო ორივე გუნდში.

"უორიორზმა" თამაში 117-101 მოიგო და დასავლეთ კონფერენციაში კვლავ პირველ ადგილზეა. სტივ კერის გუნდი მორიგ მატჩს ზეგ "დეტროიტ პისტონსის" წინააღმდეგ ჩაატარებს.