გარემოსა და ბუნებრივი რესურსების დაცვის მინისტრის მოადგილე მაია ბითაძე აშშ-ს დელეგაციის წევრებს შეხვდა.

შეხვედრაზე მხარეებმა ბირთვული და რადიაციული უსაფრთხოების მიმართულებით თანამშრომლობის პერსპექტივებსა და სამომავლო პროექტებზე იმსჯელეს.

დღესვე, ბირთული და რადიაციული უსაფრთხოების სააგენტოს და აშშ-ს დელეგაციის წევრებს შორის ურთიერთანამშრომლობის შესახებ შეთანხმებას მოეწერა ხელი.

აშშ-ს დელეგაცია სააგენტოსათვის განკუთვნილი 385 კვ.მ საოფისე ფართის სარეაბილიტაციო სამუშაოებს დააფინანსებს, რომელიც მომავალი წლიდან დაიწყება და რამდენიმე თვეში დასრულდება.
აღნიშნულ შეთანხმებას ხელი 2016 წლის 31 მარტს გაფორმებული ურთიერთგაგების მემორანდუმის ფარგლებში მოეწერა.