უამინდობამ პრობლემები შეუქმნა ქუთაისის აეროპორტსაც, სადაც რამდენიმესაათიანი შეფერხების შემდეგ ავიარეისები აღდგენილია.

ინფორმაციას აეროპორტების გაერთიანების ხელმძღვანელი ავრცელებს. მისივე თქმით, ცოტა ხანში ლარნაკას რეისიც შესრულდება.

რიგი მიზეზების გამო ამ დროისთვის მხოლოდ სოფიის მიმართულებით რეისია გაუქმებული. როგორც გაერთიანებაში განმარტავენ, ასაფრენი ბილიკის წმენდა მთელი დღის განმავლობაში მიმდინარეობდა, ფრენების შეფერხება კი ცუდმა ხილვადობამ გამოიწვია.