საქართველოს ეროვნული ოლიმპიური კომიტეტის პრეზიდენტობის კანდიდატმა, ირაკლი მეძმარიაშვილმა, დღეს, სასტუმრი „ჰოლიდეი ინ-ში" პროგრამის პრეზენტაცია გამართა და დამსწრე საზოგადოებას საკუთარი გუნდი წარუდგინა.
არჩევნებში გამარჯვების შემთხვევაში, მეძმარიაშვილი ერთ-ერთ მთავარ პრიორიტედად, ოლიმპიური კომიტეტის და კერძო ბიზნესის მჭიდრო ურთიერთთანამშრომლობას ისახავს.
შეგახსენებთ, რომ ირაკლი მეძმარიაშვილი, 2000-2004 წლებში სპორტის დეპარტმენტს ხელმძღვანელობდა, ხოლო 2005-2009 წლებში, სპორტსაზოგადოება დინამოს აღმასრულებელი დირექტორი იყო.
ეროვნული ოლიმპიური კომიტეტის საპრეზიდენტო არჩევნები 23 დეკემბერს გაიმართება. დელეგატებს არჩევანის გაკეთება, ირაკლი მეძმარიაშვილს და კომიტეტის მოქმედ პრეზიდენტ ლერი ხაბელოვს შორის მოუწევთ.