ჟურნალისტი პოლიციელის დასჯას ითხოვს.

ბორჯომის რაიონული პოლიციის თანამშრომელს ტელეკომპანია „იბერიას” თანამშრომელი ფიზიკურ და სიტყვიერ შეუერაცხყოფაში ადანაშაულებს.

საქმე ეხება ბორჯომში გვიან ღამით მომხდარ ინციდენტს, რომელსაც სამცხე-ჯავახეთის საოლქო პროკურატურა იძიებს.

გიორგი გასვიანის მტკიცებით, სამართალდამცველი თანმხლებ პირთან ერთად მაშინ დაესხა თავს, როდესაც ის მწყობრიდან გამოსული მანქანის საჭის დამორჩილებას ცდილობდა.

გასვიანის ვერსიით, ნასვამ მდგომარეობაში მყოფი პოლიციელი მას იარაღითაც დაემუქრა.

ბრალდების დადასტურების შემთხვევაში, შინაგან საქმეთა მინისტრი სამართალდამცველის დასჯის პირობას დებს.