გაერო-ს უშიშროების საბჭო, დღეს, ალეპოდან მშვიდობიანი მოსახლეობის ევაკუაციის საკითხზე რეზოლუციის პროექტს კენჭისყრაზე გაიტანს.

პროექტის ინიციატორი საფრანგეთია, რომელიც ნებაყოფლობით ევაკუაციას ემხრობა და მოქალაქეებისთვის თავისუფალი არჩევანის მინიჭებას გულისხმობს, რათა ალეპოს მცხოვრებლებმა თავად აირჩიონ, თუ რომელ თავშესაფარში სურთ გადასვლა.

ასევე, დოკუმენტი ითვალისწინებს გაერო-ს დამკვირვებლების შეუფერხებელ წვდომას ალეპოს აღმოსავლეთ რაიონებზე.

თავდაპირველად რეზოლუციის პროექტს რუსეთი ეწინააღმდეგებოდა, სამსაათიანი მოლაპარაკებების შემდეგ, მხარეებმა კომპრომისს მიაღწიეს.