მთავრობის ეკონომიკურ რეფორმებსა და საბიუჯეტო მიმართულებებზე ესაუბრა ფინანსთა მინისტრი ქვეყნის უმსხვილესი ბიზნესგაერთიანებების წარმომადგენლებს.

დიმიტრი ქუმსიშვილმა განსაკუთრებული ყურადღება მთავრობის რეფორმების 4-პუნქტიანი გეგმის ცალკეულ მიმართულებებზე გაამახვილა. მათ შორის, მოგების გადასახადის რეფორმაზე, რომლის გასატარებლად მთავრობა დიდხანს ემზადებოდა.

პირველი ვიცეპრემიერის ინფორმაციით, აღნიშნული რეფორმის შედეგად, საშუალოვადიან პერიოდში საქართველოს ეკონომიკა დამატებით 1-1,5 პროცენტით გაიზრდება.

დიმიტრი ქუმსიშვილმა ასევე მასშტაბურ ინფრასტრუქტურულ პროექტებზეც ისაუბრა, რომელთა განხორციელებაც საქართველოს და მის ცალკეულ რეგიონებს მნიშვნელოვან ეკონომიკურ წინსვლას მოუტანს.

ბიზნესმენთა შეხვედრებს 150-ზე მეტი წარმომადგენელი ესწრებოდა.