სარეკორდო შეთავაზება ლეო მესის. ესპანური გამოცემა “ასის” მიერ გავრცელებული ინფორმაციით, ჩინური კლუბი “ჰებეი ჩაინა ფორჩუნი” არგენტინელი სუპერვარსკვლავის შეძენას აპირებს და ასტრონომიულ ხელფასს სთავაზობს.
შეთანხმების შემთხვევაში, ჩინური კლუბი, ხუთწლიანი კონტრაქტის სანაცვლოდ, მესის 500 მილიონ ევროს შესთავაზებს.
„ჰებეი ჩაინსი“, მიმდინარე წლის აგვისტოში ცნობილმა ჩილელმა სპეციალისტმა მანუელ პელეგრინიმ ჩაიბარა და მის განკარგულებაში არაერთი ცნობილი ფეხბურთელი თამაშობს, მათ შორის, არგენტინელი ეზეკილ ლავეცი, ბრაზილიელი ჟერვინიო და სხვები.
შეგახსნებთ, რომ მესის "ბარსელონასთან" ხელშეკრულება, 2018 წლის 30 ივნისს ეწურება.
29 წლის ფეხბურთელის ამჟამინდელი ხელფასი, კატალონიურ კლუბში წელიწადში 24 მილიონ ევროს შეადგენს.