31 მომხრე, 7 წინააღმდეგი - ურთიერთბრალდებების ფონზე თბილისის ბიუჯეტის პროექტი მიღებულია. კენჭისყრაზე გატანამდე დეპუტატების შეკითხვებს დავით ნარმანიამ უპასუხა.
ოპოზიცია მერს პრიორიტეტების არასწორად შერჩევაში ადანაშაულებს. განსაკუთრებული კრიტიკის საგანი იყო სოციალური და ჯანდაცვის სფეროებისთვის გამოყოფილი თანხები, ხელფასები და ადმინისტრაციული ხარჯების საკითხი.
ოპონენტებმა ქალაქის მთავრობას "სითი-პარკთან" ხელმოწერილი კონტრაქტის ძალაში დატოვების გამოც უსაყვედურეს.
მერი ბრალდებებს არ იღებს და ოპონენტებს წინა წლებში გაცემულ პრემიებს ახსენებს . დავით ნარმანია ხაზს უსვამს, რომ ჯანდაცვის და სოციალური პროგრამების დაფინანსება არ მცირდება. სიახლეა მხოლოდ ის, რომ კომუნალური ვაუჩერებით მაღალი შემოსავლების მქონე მოქალაქეები აღარ ისარგებლებენ.