აფხაზეთის ე.წ. ოპოზიცია დათმობაზე წავიდა. რაულ ხაჯიმბას გადადგომის მოთხოვნა დღის წესრიგიდან მოიხსნა.

საპროტესტო აქციების შემდეგ ოკუპირებული რეგიონის დეფაქტო ლიდერთან დაპირისპირებულმა ე.წ. ოპოზიციამ სტრატეგია შეცვლა და მოლაპარაკებების მაგიდასთან დაჯდა.

შესაბამისად, გაჩნდა ეჭვი, რომ აქციის ორგანიზატორებმა თვითაღიარებული პრეზიდენტისგან ე.წ. მთავრობაში თანამდებობების დაკავების პირობა მიიღეს.

ვერსიებზე საუბრის დროს ექსპერტები ყველაზე ხშირად მოსკოვის ფაქტორს ახსენებენ და ფიქრობენ, რომ ხაჯიმბამ რუსეთიდან აფხაზეთში დაწყებული მასშტაბური პროტესტის განეიტრალების დავალება მიიღო.