ოჯახში ძალადობა, დისკრიმინაციული და სიძულვილის ენით გამოხატული დანაშაულები, კორუფცია, ტერორიზმი - ამ მიმართულებებით მთავარი პროკურატურა მუშაობის გაძლიერებას აპირებს.

ირაკლი შოთაძემ დღეს საკოორდინაციო საბჭოს მომავალი ექვსი წლის სამუშაო სტრატეგია გააცნო, რომელიც სისხლის სამართლის სისტემის რეფორმირებას ეხება.

მთავარმა პროკურორმა პროკურორთა შეფასების სისტემის დოკუმენტიც წარადგინა. სხდომას იუსტიციის მინისტრი, უზენაესი სასამართლოს თავმჯდომარე და არასამთავრობო ორგანიზაციების წარმომადგენლები დაესწრნენ.