ლარის კურსის გარშემო ურთიერთბრალდებები გრძელდება.

პრემიერი ოპონენტებს პოლიტიკურ სპეკულაციებში ადანაშაულებს და დევალვაციის გამომწვევ მთავარ ფაქტორად, რეგიონის ქვეყნებში ეროვნული ვალუტების მკვეთრ გაუფასურებას ასახელებს.

არგუმენტი ისევ მიუღებელია ოპოზიციის ნაწილისთვის. ოპონენტები განსაკუთრებით მთავრობის მეთაურის დღევანდელი გამოსვლის იმ ნაწილს აკრიტიკებენ, სადაც პრემიერმინისტრი განვითარების დონიდან გამომდინარე, ქვეყნის ძალიან კარგ პირობებში ყოფნაზე საუბრობს.

პოლიტიკური განცხადებების ფონზე, ლარის კურსი დაცემას განაგრძობს. გაუფასურების დღევანდელი მაჩვენებელი თითქმის ერთი თეთრია.