საქართველოს ეროვნული ბანკის შესახებ კანონში ცვლილებები მზადდება, რომლის მიხედვითაც, ბანკის ვიცეპრეზიდენტების დანიშვნის უფლება საქართველოს პრეზიდენტს აღარ ექნება.

პარლამენტის თავმჯდომარის განცხადებით, აღნიშნული ინიციატივა თავად პრეზიდენტის ადმინისტრაციას ეკუთვნის.

კანონში დღეს არსებული წესის მიხედვით კი, ეროვნული ბანკის პრეზიდენტის წარდგინებით, ვიცეპრეზიდენტებს თანამდებობაზე ნიშნავს და ათავისუფლებს საქართველოს პრეზიდენტი. გავრცელებული ინფორმაციით, ვიცეპრეზიდენტების თანამდებობაზე არჩილ მესტვირიშვილი და საქართველოს ბანკის ყოფილი გენერალური დირექტორი მურთაზ კიკორია განიხილება.