ისრაელის პრემიერმინისტრი ბენიამინ ნეთანიაჰუ აპირებს, რომ შეერთებული შტატების ახალარჩეული პრეზიდენტი დონალდ ტრამპი ირანთან ბირთვული შეთანხმების გაუქმებაზე დაითანხმოს.

ერთ-ერთ ინტერვიუში ნეთანიაჰუმ განაცხადა, რომ მას აღნიშნული შეთანხმების გაბათილების ხუთი ვარიანტი აქვს. ბენიამინ ნეთანიაჰუმ აღნიშნა, რომ მას პრეზიდენტ ბარაკ ობამასთან მრავალი უთანხმოება ჰქონდა. ერთ-ერთი სწორედ ირანის საკითხს ეხებოდა.

შეგახსნებთ, დონალდ ტრამპი წინასაარჩევნო კამპანიის დროს ირანთან გაფორმებულ შეთანხმებას ხშირად აკრიტიკებდა. 2015 წლის სექტემბერში, მან განაცხადა, რომ ეს შეთანხმება ყველაზე ცუდი გარიგებაა, რაც კი ოდესმე დადებულა.