ეროვნული ბანკისა და მთავრობის ინიციატივას ლარიზაციასთან დაკავშირებით, ბანკები დადებითად აფასებენ. ”თიბისი ბანკის” გენერალური დირექტორი ვახტანგ ბუცხრიკიძე ახალ გეგმას წინ გადადგმულ ნაბიჯს უწოდებს.

მისი თქმით, ეს ინიციატივა ბანკებისათვის, რისკების შემცირებას შეუწყობს ხელს და ასევე დადებითად აისახება მათ მომხმარებლებზეც.

ბოლო ცხრა თვის მონაცემებით, ლარში გაცემული სესხების რაოდენობა იზრდება. ამჟამად ლარში გაცემული იპოთეკური სესხების საპროცენტო განაკვეთები 9%-დან 10%-მდე ლავირებს.