ევროკომისია ევროკავშირის შვიდ ქვეყანას სანქციებით ემუქრება. ევროგაერთიანების აღმასრულებელ ორგანოში აცხადებენ, რომ ე.წ. “გამონაბოლქვის სკანდალზე” გერმანიამ, ბრიტანეთმა და კიდევ ხუთმა სახელმწიფომ ავტომწარმოებელ კომპანია “ფოლკსვაგენთან” მიმართებაში საჯარიმო სანქციები არ გამოიყენა.

ევროკავშირის კანონმდებლობის თანახმად, გამონაბოლქვის გადაჭარბებული რაოდენობის შესანიღბად რაიმე სახის მოწყობილობის გამოყენება მკაცრადაა აკრძალული. 2015 წელს გამოძიებამ დაადგინა, რომ “ფოლკსვაგენის” რამდენიმე ავტომობილის მოდელის დიზელის ძრავმა შემოწმება ვერ გაიარა, კომპანია კი შემოწმების შედეგით მანიპულირებდა.