მცირე და საშუალო ბიზნესის წარმომადგენლები ხელისუფლებას ლარის კურსის დასტაბილურების უზრუნველყოფას სთხოვენ.

კურსთაშორისი სხვაობის გამო, მეწარმეების ნაწილს ბანკიდან დოლარში აღებული სესხების დაფარვა უჭირს.

ეროვნული ვალურის გაუფასურება უკვე აისახა რამდენიმე მეწარმის ბიზნესსაქმიანობაზე. კერძო საწარმოების მფლობელები გამოსავალს ვერც ე.წ. ლარიზაციის გეგმაში ხედავენ, რომელიც სესხების ლარში გადაყვანას გულისხმობს. მით უმეტეს, რომ საპროცენტო განაკვეთის სხვაობის ნაწილის ბიუჯეტიდან დაფარვა ბიზნესზე არ ვრცელდება.