ვინ უხელმძღვანელებს საკონსტიტუციო კომისიას? საკითხზე საპარლამენტო უმრავლესობაში კონსულტაციები მიმდინარეობს. კონსულტაციები დაწყებულია კომისიის ფორმატსა და საქმიანობასთან დაკავშირებითაც.

მმართველ გუნდში აცხადებენ, რომ კომისიის თავმჯდომარედ შესაძლოა ირაკლი კობახიძე დასახელდეს.

რაც შეეხება გიორგი მარგველაშვილის თანათავმჯდომარეობის საკითხს, საპარლამენტო უმრავლესობაში განმარტავენ, რომ პრეზიდენტს საკანონმდებლო ცვლილებების ინიცირების უფლება არ აქვს, რის გამოც მარგველაშვილი კომისიას სავარაუდოდ ვერ უხელმძღვანელებს.

საია-ს თავმჯდომარე კი კომისიის მუშაობაში პრეზიდენტის ჩართულობის მნიშვნელობაზე საუბრობს.