ევროკავშირის საბჭომ, ევროპარლამენტმა და ევროკომისიამ ერთობლივ მოლაპარაკებაზე ცოტა ხნის წინ მიაღწიეს შეთანხმებას ე.წ. შეჩერების მექანიზმის ამოქმედების შესახებ.

ეს ნიშნავს, რომ ევროპარლამენტი პლენარულ სხდომაზე უახლოეს მომავალში უყრის კენჭს საქართელოსა და უკრაინის ვიზალიბერალზიაციას.

აღნიშნულ ინფორმაციას სოციალურ ქსელში, ევროპარლამენტის წევრი კატი პირიც ადასტურებს.



ამ დრომდე სწორედ ამ მექანიზმის არარსებობა უშლიდა ხელს ვიზების ლიბერალიზაციის მიღებას. შეჩერების მექანიზმი ევროპას სჭირდება იმისთვის, რათა ვიზების ლიბერალიზაციის ამოქმედების შემდეგ თუ კონკრეტული ქვეყნიდან გაიზარდა თავშესაფრის მაძიებელთა რაოდენობა, უვიზო რეჟიმი შეწყდება მარტივი პროცედურებით.