თურქეთი და რუსეთი განსაზღვრავენ რეგიონის მომავალს, – განცხადება ამის შესახებ თურქეთის პრემიერმინისტრმა გააკეთა. ბინალი ილდირიმის თქმით, თურქეთ-რუსეთის ურთიერთობა უბრალოდ ორი ქვეყნის ურთიერთობა არ არის.

„ჩვენი რეგიონის სპეციფიკიდან გამომდინარე, თურქეთსა და რუსეთს განსაკუთრებული პასუხისმგებლობა გააჩნიათ.

თანამედროვე პირობებში მსოფლიოს ქვეყნები ურთიერთდაკავშირებული არიან ერთმანეთთან. აქედან გამომდინარე, შეიძლება დავასკვნათ, რომ თუ თვალს დავხუჭავთ რეგიონის პრობლემებზე, ეს პრობლემები გლობალურ მასშტაბს მიიღებს“,- აღნიშნა თურქეთის პრემიერმინისტრმა.

თურქეთის პრემიერმინისტრი ოფიციალური ვიზიტით რუსეთში იმყოფება. ორდღიანი ვიზიტი რუსეთის პრემიერმინისტრ დიმიტრი მედვედევის ორგანიზებულია.