სტუდენტების საპროტესტი აქცია რუსთავში. შეკრებილები ადგილობრივი თვითმმართველობისგან რუსთავი-თბილისის მიმართულებით მოძრავ ტრანსპორტზე ფასების ზრდას აპროტესტებენ და სტუდენტური ტარიფის - 75 თეთრის დაწესებას ითხოვენ.

აქციის მონაწილეები აცხადებენ, რომ ყოველდღიურად თბილისში განათლების მისაღებად 3000-ზე მეტი სტუდენტი დადის და მძიმე სოციალური პირობების გამო, მგზავრობის საფასურის გადახდას ვერ ახერხებენ.

აქციის მონაწილეებს რუსთავის საკრებულოს თავმჯდომარე და ვიცე მერი შეხვდნენ, მათ სტუდენტებს საკონფერენციო დარბაზში გადანაცვლებისკენ მოუწოდეს, თუმცა უარი მიიღეს. რუსთავის მერი პოლიტიკურ მოტივზე საუბრობს.