19 215 353
ნახვა
28 130
ვიდეო

გვენეტაძე ონლაინ სესხებზე: ზღვარგადასული პროცენტი უნდა შემცირდეს

გაზიარება შექმენი ლუპი
დეკემბერი 6, 2016
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

„რა თქმა უნდა, ალბათ, გამდიდრების საშუალებები უნდა იყოს ქვეყანაში, მათ შორის სწრაფი გამდიდრების საშუალებებიც, მაგრამ არა იმის ხარჯზე, რომ საზოგადოების გარკვეულმა ნაწილმა აბსოლუტურად ყველაფერი დაკარგოს“, - ამის შესახებ ეროვნული ბანკის პრეზიდენტმა საზოგადოებრივის გადაცემა „მთავარში“ ონლაინ სესხებთან დაკავშირებული რეგულაციების შემოღების თემაზე საუბრისას განაცხადა.

„ეს არის პრობლემა, როდესაც სესხის აღება ხდება ისეთ პროცენტად, როგორიც არის 500, 600, 700 და დაფიქსირებული არის 3000 და 4000 წლიური პროცენტი. არარეალურია. მიუხედავად იმისა, რომ შეიძლება იყოს ვიღაც, ვინც მოახერხოს ამის გადახდა, უნდა შევთანხმდეთ იმაზე, რომ ეს არის არანორმალური პროცენტი. აქედან გამომდინარე, უნდა გაკეთდეს რაღაც, რომ ასეთი პრაქტიკა აღარ იყოს“, - აღნიშნა კობა გვენეტაძემ.

ეროვნული ბანკის პრეზიდენტის განცხადებით, ის ინოვაციურ საშუალებებს მიესალმება, თუმცა მისივე თქმით, ინოვაციური მეთოდი ზღვარგადასულ პროცენტებს არ უნდა გულისხმობდეს.

„მოდით, შევხედოთ, რას შორის ვაკეთებთ არჩევანს: ჩვენ ვაკეთებთ არჩევანს არანორმალურად მაღალ პროცენტებს შორის და იმას შორის, რომ არსებობდეს პროდუქტი, რომელიც გარკვეულწილად ადამიანს დროის მცირე მონაკვეთში, ფულადი სახსრების არარსებობის შემთხვევაში დაეხმარება. ამიტომ მიმართულება არის იქით, რომ ეს პროდუქტი დარჩეს, მაგრამ ის არანორმალური, ზღვარგადასული თუ მტაცებლური საპროცენტო განაკვეთი აღარ იყოს“, - განაცხადა გვენეტაძემ.

გვენეტაძე ასევე გამოეხმაურა პრეტენზიებს იმის შესახებ, რომ ხდება ზედმეტი რეგულაციების დაწესება, თუმცა მისივე თქმით, სრულ დერეგულაციას მძიმე შედეგებამდე მივყავართ, ისევე როგორც ზედმეტ რეგულაციებს და ამას მსოფლიო გამოცდილებაც აჩვენებს.

„ზედმეტი რეგულაცია ცუდია, ზედმეტი დერეგულაცია ასევე ცუდია. ზედმეტმა რეგულაციამ შეიძლება განვითარება შეამციროს, ხოლო ზედმეტმა დერეგულაციამ ფინანსური რისკები გაზარდოს. ზუსტად ამისკენ მივდივართ და გვინდა, რომ ადამიანმა იცოდეს რას აკეთებს, პირველ რიგში და იმის გამო, რომ დროებითი პრობლემა დაუდგა, არ გადადგას ისეთი ნაბიჯი, რომ საბოლოოდ პიროვნული ტრაგედიის წინაშე აღმოჩნდეს. მოდით, არ გვინდა იმაზე საუბარი, რომ ასეთი ხალხი არ არსებობს. ასეთი ხალხი არსებობს. ასე რომ, არ მივდივართ უკან. უბრალოდ გვინდა, რომ სიტუაცია იყოს ნორმალური. არც ზედმეტ დერეგულაციას გავაკეთებთ და არც ზედმეტ რეგულაციას“, - განაცხადა ეროვნული ბანკის პრეზიდენტმა.

მაჩვენე მეტი