გარემოსა და ბუნებრივი რესურსების დაცვის მინისტრი გიგლა აგულაშვილი სახელმწიფო სამედიცინო უნივერსიტეტში „გარემოს ჯანმრთელობის აქტუალური საკითხები“- კონფერენციას დაესწრო. ღონისძიება ტყვიით მოწამვლის პრევენციის საერთაშორისო კვირეულის ფარგლებში გაიმართა.
კონფერენციაზე გლობალური დათბობა და კლიმატის ცვლილებებით განპირობებული სამედიცინო ეკოლოგიური პრობლემები, დასახლებების ატმოსფერული ჰაერის ხარისხობრივი მდგომარეობის ცვლილებებით გამოწვეული სოციალური პრობლემა, ტყვიის ზემოქმედების ტოქსიკური ეფექტები, ტყვიით ინტოქსიკაციის მკურნალობის ძირითადი პრინციპები და სისხლში ტყვიის მაღალ შემცველობასთან ასოცირებული ფაქტორები განიხილეს.
საერთაშორისო კვირეულის მიზანია ტყვიის ტოქსიკურობის შესახებ ცნობიერების ამაღლება, ქვეყნების და პარტნიორების ძალისხმევა ბავშვებში ტყვიით მოწამვლის თავიდან ასაცილებლად და საღებავებში ტყვიის გამოყენების აკრძალვა.
შეხვედრას თბილისის სახელმწიფო სამედიცინო უნივერსიტეტის რექტორი, პროფესორები და სტუდენტები ესწრებოდნენ.