საქართველოს თავდაცვის უწყების ხელმძღვანელმა დღეს არასამთავრობო ორგანიზაციების წარმომადგენლებს უმასპინძლა. შეხვედრას მინისტრის მოადგლეები, ლელა ჩიქოვანი და ნუკრი გელაშვილი ესწრებოდნენ. შეხვედრა კითხვა-პასუხის რეჟიმში მიმდინარეობდა.
თავდაცვის სამინისტროში გამართულ შეხვედრაზე სტუმრებს საშუალება ჰქონდათ, ლევან იზორიასგან პირადად მიეღოთ ინფორმაცია თავდაცვის პოლიტიკის ძირითადი მიმართულებების შესახებ. თავდაცვის მინისტრმა ოთხ წლიან სამოქმედო გეგმასა და თავდაცვის სისტემის განვითარების მთავარ მიმართულებებზე ისაუბრა. ლევან იზორია არასამთავრობო ორგანიზაციების წარმომადგენლებს გააცნო მისი გუნდის ხედვა სტრატეგიულ მართვაზე, ძალთა ოპტიმიზაციაზე, ძალთა მზადყოფნის ამაღლებაზე, საერთაშორისო თანამშრომლობისა და ინსტიტუციური სისტემების გაძლიერებაზე.
თავდაცვის მინისტრის განცხადებით, უახლოეს მომავალში მთავრობის წევრების და საერთაშორისო პარტნიორების მონაწილეობით ფართო პრეზენტაცია მოეწყობა, რომლის დროსაც საზოგადოებას საშუალება ექნება 100 დღის განმავლობაში განხორციელებული ღონისძიებების და უწყების სამომავლო გეგმების შესახებ მიიღოს ინფორმაცია.