ურეკის დასახლება წვერმაღალას, “ფონდმა ქართუმ” საბავშვო ბაღი აუშენა. 25 ბავშვზე გათვლილი თანამედროვე შენობა აღჭურვილია ავეჯით, ბავშვებისთვის ადაპტირებული სველი წერტილებით, სამზარეულოთი, ხანძარსაწინააღმდეგო, წყალგამწმენდი და გათბობის სისტემებით. საბავშვო ბაღმა სრულფასოვანი ფუნქციონირება უკვე დაიწყო. “ფონდი ქართუს” დაკვეთით წვერმაღალას საბავშვო ბაღის მშენებლობა ასოციაცია “ატუ”-მ შეასრულა. “ატუ”-მ საბავშვო ბაღის მთელი კომპლექსი მშენებლობის უფლების მიღებიდან ორ თვეში ააშენა. რეკორდულად მოკლე ვადაში აშენებული ბაღი “ფონდმა ქართუმ” ოზურგეთის მუნიციპალიტეტს აჩუქა. ბაღის მშენებლობა ნახევარი მილიონი ლარი დაჯდა.