ერთი გარდაცვლილი და რამდენიმე დაშავებული სამხედრო - შემთხვევა დედოფლისწყარო-სიღნაღი-თბილისის დამაკავშირებელ ავტომაგისტრალზე მოხდა. თავდაცვის სამინისტროს ინფორმაციით, “კამაზის” მარკის სამხედრო ავტომობილი სავალი ნაწილიდან გადავარდა, რომელშიც 37 სამხედრო მოსამსახურე იმყოფებოდა. უწყების ინფორმაციით, ჯარების ლოჯისტიკური უზრუნველყოფის სარდლობის საბრძოლო მასალებისა და სამხედრო- ტექნიკური ქონების ბაზის შენახვის სამხედრო მოსამსახურეები დედოფლისწყაროდან ოსიაურისკენ გადაადგილდებოდნენ. ავტოსაგზაო შემთხვევის შედეგად დაშავებული სამხედრო მოსამსახურეები დედოფლისწყაროსა და წნორის საავადმყოფოებში გადაიყვანეს. დაშავებული 27 პაციენტიდან 5 კი თბილისის სხვადასხვა სამედიცინო დაწესებულებებში გადმოყავთ. მათ მრავლობითი ტრამვები აღენიშნებათ. გენო ოსიყმაშვილი ჩაგვერთვება ბოლო ინფორმაციით ინგოროყვას კლინიკის მიმდებარე ტერიტორიიდან