,,პაატა ბურჭულაძე-სახელმწიფო ხალხისთვის’’ მაჟორიტარი დეპუტატობის კანდიდატის ირაკლი ღლონტი დიდუბის მე-15 ოლქის მე-14 საარჩევნო უბანზე აღმოჩენილ დარღვევებზე საუბრობს.
„დიდუბის მე-15 ოლქის მე-14 საარჩევნო უბანზე ჩვენს მიერ აღმოჩენილ იქნა კანონის უხეში დარღვევის ფაქტი, კერძოდ, კენჭისყრის შედეგების შემაჯამებელი ოქმი მიზანმიმართულად შედგენილ იქნა წინასწარ და საკონტროლო ფურცლის ნაცვლად ჩაგდებულ იქნა საარჩევნო ყუთში. დარღვეულია ყუთის მთლიანობაც, აღნიშნული დარღვევის გამოსწორების მიზნით, კომისიამ გახსნა დალუქული ყუთი და საკონტროლო ფურცლით ჩაანაცვლა შემაჯამებელი ოქმი. სამწუხაროდ, კომისიის 13-ივე წევრი ხელს აწერს ზემოაღნიშნულ დოკუმენტზე და არც ერთ მათგანს არ გასჩენია შეკითხვები ამ უკანონო ფაქტთან დაკავშირებით. აქვე აღსანიშნავია, რომ ოქმი არჩევნების მიმდინარეობის დროს ნაწილობრივ შევსებულია და არჩევნების შედეგების დადგომამდე ოქმში წინასწარ აღნიშნულია ამომრჩეველთა რაოდენობაც, რაც თავის მხრივ უკანონობაა, ვინაიდან შეუძლებელია წინასწარ განისაზღვროს რამდენი ამომრჩეველი გამოცხადდება საარჩევნო უბანზე. მიგვაჩნია, რომ ეს უკანონო ქმედება არის მიზანმიმართული ფაქტი, ვინაიდან მათთვის ცნობილი იყო ჩვენი გაერთიანების და ჩემი, როგორც კანდიდატის მაღალი რეიტინგი მათ ამ უკანონო გზით შეძლეს შექმნილიყო ყოველგვარი საფუძველი უბნის გაუქმების შესახებ.“ - განაცხადა ირაკლი ღლონტმა ბრიფინგზე.

#არჩევნები2016