საქართველოს ახალგაზრდულმა ნაკრებმა საფრანგეთში ამხანაგური მატჩი გამართა და ანგარიშით 5:1 დამარცხდა.
მე-19 წუთზე ჟან-კევინ ოგიუსტინმა ანგარიში გახსნა.
კორენტენ ტოლისომ 24-ე წუთზე ფრანგების უპირატესობა გაზარდა და პირველი ტაიმის საბოლოო შედეგი დააფიქსირა.
მატჩის მე-60 წუთზე ქართველების კარში პენალტი დაინიშნა, რომელიც სებასტიან ალემ ზუსტად შეასრულა.
70-ე წუთზე, საქართველოს ნაკრებიდან ერთი საპასუხო ბურთის გატანა გიორგი ხარაიშვილმა შეძლო. თუმცა 74-ე წუთზე უსმან დემბელემ ანგარიში 4:1 გახადა.
ვინსენტ კოზიელომ კი, საბოლოო ანგარიში 85-ე წუთზე 5:1 დააფიქსირა.
U21-ის ძირითადი შემადგენლობა: კუპატაძე, ჩაბრაძე, მარგველაშვილი, ჭიჭინაძე, ალთუნაშვილი, ხარაიშვილი, კიტეიშვილი, რ.ჭანტურია, ზარანდია, ბერიძე, თევზაძე.
#სპორტი