2 დღის წინ მომხდარი აფეთქების გამო გივი თარგამაძის დასაკითხად გამომძიებლები დღეს მის სახლში მივიდნენ. თარგამაძემ სუსში მისვლა ჯანმრთელობის მდგომარეობის გამო ვერ შეძლო. უცნობია, რა ინფორმაია მიაწოდა „ნაციონალური მოძრაობის“ წევრმა სამართალდამცველებს, რომლებმაც დეპუტატის მანქანის აფეთქების გამო გამოძიება აფეთქების ღამესვე დამამძიმებელ გარემოებებში განზრახ მკვლელობის მცდელობის მუხლით დაიწყეს. სწორედ ამ მუხლის გადაკვალიფიცირებას ითხოვს „ნაციონალური მოძრაობა“. მათი განცხადებით, თარგამაძის მანქანის აფეთქება ტერაქტი იყო და გამოძიებაც, სწორედ ტერაქტის მუხლით უნდა წარიმართოს.