საარჩევნი კამპანიის დაწყებიდან - 8 ივნისიდან 30 აგვისტოს ჩათვლით პოლიტიკურმა სუბიექტებმა საარჩევნო რეკლამაზე 9 მილიონ ლარამდე დახარჯეს. ამ თანხის 78%, დაახლოებით 7 მლნ ლარი ქართულ ოცნებას ეკუთვნის. მმართველმა გუნდმა მხოლოდ ტელეკომპანია იმედს რეკლამის სანაცვლოდ 1 მილიონი ლარი გადაუხადა. შესაბამის კვლევას აუდიტის სამსახურში წარდგენილ ფინანსურ დეკლარაციებზე დაყრდნობით მედიის განვითარების ფონდი აქვეყნებს. ორგანიზაციის ინფორმაციით, რეკლამაში დახარჯული თანხის მიხედვით, მეორე ადგილზე ნაციონალური მოძრაობაა, მესამეზე სახელმწიფო ხალხისთვის, ხოლო მეოთხეზე პატრიოტთა ალიანსი.
ამავე ანგარიშის მიხედვით, ტელემაუწყებლების შემოსავლებმა 2016 წლის 6თვეში 2015 წელთან შედარებით 1.7 მლნ ლარით იკლო. ბაზარზე კვლავ ლიდერობს რუსთავი 2, თუმცა, მისი შემოსავლები შემცირდა. გაიზარდა ტელეკომპანია მაესტროს შემოსავლები. გარდა ამისა, 2013 წლამდე სარეკლამო გაყიდვებში არსებული მონოპოლია 2016 წლიდან დუოპოლიით შეიცვალა.
მედიის განვითარების ფონდის ანგარიშში საუბარია მედია საკუთრებასთან დაკავშირებულ დავებზეც, ასევე, გადაცემების დახურვაზე, ჟურნალისტთა უფლებების ხელყოფაზე, მათ შორის, ტაბულას ჟურნალისტებზე თავდასხმაზე.