ევრობასკეტისკენ მიმავალ გზაზე საქართველო სლოვაკეთს მასპინძლობს.
მონტენეგროსთან განცდილი დასანანი მარცხის შემდეგ ილიას ზუროსის გუნდმა ალბანეთში გაიმარჯვა და ბოლო ტურის წინ ქულათა მაქსიმუმის აღება საშინაო დაპირისპირებაშიც სჭირდება.
სლოვაკეთს პირველი მატჩი, გასვლაზე 31 ქულით მოვუგეთ, თბილისში გამარჯვების შემთხვევაში ქართველ კალათბურთელებს ჯგუფის უმაღლესი საფეხურისთვის ბრძოლა უკვე ბალკანეთში, მონტენეგროსთან მოუწევთ.
ევროპის უდიდეს საკალათბურთო ფორუმზე საქართველოს ნაკრებს გასვლის მაღალი შანსი მეორე პოზიციიდანაც აქვს, ორივე შემთხვევაში სლოვაკეთთან საშინაო მატჩის მოგება მნიშვნელოვანი ფაქტორია.
მატჩი თბილისის სპორტის სასახლეში 19 საათზე დაიწყება, საზოგადოებრივი მაუწყებლის პირდაპირ ეთერში მას ევროპა-ბეთი წარმოგიდგენთ.