წეროვანში წინასაარჩევნო კამპანიის შეხვედრაზე პარტიის მაჟორიტარი დეპუტატობის კანდიდატს დიმიტრი ხუნდაძეს ერთ-ერთმა დევნილმა ოთხი წლის წინანდელ დაპირებაზე პასუხი მოსთხოვა. ქალბატონმა ხუნდაძეს ის დაპირება შეახსენა, რომლის მიხედვითაც დევნილები გაზის გადასახადისგან უნდა გათავისუფლებულიყვნენ.ხუნდაძემ ბრალდებას აბსურდული უწოდა და განაცხადა, რომ 2012 წელს გაცემული დაპირება შესრულდა და ის უფასო გაზის გადასახადს არ დაპირებია.
ამომრჩევლებთან შეხვედრას წეროვანში ასევე ესწრებოდნენ კახა კალაძე, გიორგი ვოლსკი და ლტოლვილთა და განსახლების მინისტრი სოზარ სუბარი.

#არჩევნები2016