ხულოში, შუახევში და ქედაში "ერთიანი ნაციონალური მოძრაობის" ლიდერებმა საქართველოს პარლამენტის და აჭარის უმაღლესი საბჭოს მაჟორიტარობის კანდიდატები წარადგინეს. პარლამენტისთვის ირაკლი ჯორბენაძე, ხოლო უმაღლესი საბჭოსთვის ნუგზარ ამაღლობელი იბრძოლებენ. შეკრებილ მხარდამჭერებს, საარჩევნო შტაბის უფროსმა ნიკა მელიამ, ლევან ვარშალომიძემ და დავით ბაქრაძემ მიმართეს. ლევან ვარშალომიძემ მაღალმთიან აჭარაში არსებულ პრობლემებზე - უმუშევრობაზე, შეჩერებულ ინფრასტრუქტურულ პროექტებზე ისაუბრა და ადგილობრივებს ამ პრობლემების მოგვარების გეგმა შესთავაზა. დავით ბაქრაძემ მოსახლეობას პარტიის სოციალური პროგრამის ნაწილი გააცნო და გამარჯვების შემთხვევაში პენსიის ორმოცდაათი ლარით ზრდას დაჰპირდა.