"ნამდვილად რთულ სიტუაციასთან გვაქვს საქმე იმიტომ, რომ ის ადამიანები, რომლებიც ქვეყანაში ადამიანის უფლებების დაცვის დარაჯები არიან, თვითონ საუბრობენ საკუთარი უფლებების დარღვევებზე. იქნება ეს პრეზიდენტი, საკონსტიტუციო სასამართლოს თავმჯდომარე თუ ერთერთი ძალოვანი მინისტრი. ჩვენ წინასწარ, რა თქმა უნდა გვიჭირს გარკვეული დასკვნების გამოტანა იმიტომ, რომ ვისმენთ მხოლოდ იმას, რაც საჯაროდაა ცნობილი. ჩვენ არ გვაქვს შიდა ინფორმაციასთან წვდომა. შესაბამისად, ერთადერთი გზა, რომელიც ასეთ შემთხვევებში სიმართლის დადგენას ემსახურება, არის შესაბამისი გამოძიების ჩატარება. თუმცა აქაც ჩნდება კითხვის ნიშნები. თუ ასეთ მაღალ თნამდებობის პირებზე აქვს ზეწოლა ადგილი, მაშინ გასაგებია, რომ ამ შემთხვევაში არსებობს ამის პოლიტიკური ინტერესი. ამ პოლიტიკური ინტერესის არსებობის პირობებში რამდენად ობიექტურად ჩატარდება გამოძიება, ცხადია, კითხვის ნიშნის ქვეშ დგას." - განაცხადა "საერთაშორისო გამჭირვალობა - საქართველოს" იურისტმა, გიორგი ბერაიამ, "სტარვიზიის" ეთერში. უყურეთ "სტარვიზიაზე" და უსმინეთ რადიო star fm-ზე, "აქტუალური თემის" შეკითხვებს გიორგი ბერაია პასუხობს.