გარემოსა და ბუნებრივი რესურსების დაცვის მინისტრის მოადგილე ბესარიონ აბაშიძე კახეთში იმყოფებოდა, სადაც პანკისის ხეობის სოფელ ჯოყოლოში გამწვანების აქციაში მიიღო მონაწილეობა.

აქციის ფარგლებში, 1,5 ჰა ფართობზე, ჯოყოლისა და თელავის საჯარო სკოლის მოსწავლეებმა, ეკოკლუბის წევრებთან ერთად, 200-მდე კაკლის, იფანის, ნეკერჩხალის სახეობის ნერგი დარგეს.

აქცია აშშ-ის საერთაშორისო განვითარების სააგენტოს (USAID) მხარდაჭერით განხორციელდა, რომელშიც მონაწილეობა ადგილობრივი მუნიციპალიტეტის წარმომადგენლებთან ერთად, კავკასიის გარემოსდაცვითი არასამთავრობო ორგანიზაციების ქსელის (CENN) წარმომადგენელმა მიიღეს.